Iran qazaqstandyq kásipkerlerge jeńildetilgen vızalyq rejımdi beredi
"Bizde eki eldiń azamattary úshin vızalyq rejımdi jeńildetý boıynsha kelissózder boldy. Sonyń nátıjesinde tıisti qujatqa qol qoıyldy. Oǵan sáıkes, Iran men Qazaqstan kásipkerleri úshin vızany jeńildetip berý sharalary qarastyrylǵan. Jalpy, barlyq azamattardyń kedergisiz júrip-turýyna jaǵdaı jasaýymyz qajet. Osy oraıda tıisti josparlar bar. Negizi, Iran Islam Respýblıkasy kórshi memleketter úshin jeńildetilgen vızalyq rejımdi ornatýǵa, ıa bolmasa, ony múldem alyp tastaýǵa múddeli", - dedi M.Damırchılý QazAqparat tilshisine berge suxbatynda.
Aıta keteıik, búgin elshi M.Damırchılýdyń Qazaqstandaǵy dıplomatııalyq mıssııasy aıaqtalyp otyr. Osyǵan baılanysty búgin QR Memlekettik xatshysy Gúlshara Ádbiqalyqova ony Aqordada qabyldady. "Irannyń prezıdenti birneshe ret kelip ketti. Bizdiń Elbasymyz da saparmen bardy. Sol kezde ındýstııaldyq-ınnovatsııalyq jáne saýda-ekonomıkalyq kelisimderge qol qoıyldy. Jobalardyń jalpy quny - 1,3 mlrd teńge. Qazirgi kezde osy saladaǵy jumys atqarylyp jatyr. Al Qazaqstan men Irannyń arasyndaǵy saýda-sattyq bir jylda 550 mln dollarǵa jetti. Degenmen, on jyl buryn atalǵan kórsetkish 2 mlrd dollar bolǵan. Sondyqtan áli de biraz jumys jasaý qajet. Iran men Eýrazııalyq ekonomıkalyq odaq arasynda ýaqytsha saýda aımaǵyn qurý týraly kelisim rásimdelgen bolatyn. Sonyń aıasynda ekijaqty saýda aınalymy artady degen úmit bar", - dep atap kórsetti G.Ábdiqalyqova.
