Iran Qazaqstandaǵy ushaq apatyna baılanysty kóńil aıtty

TEGERAN. IRNA-QazAqparat – Iran Syrtqy ister mınıstrliginiń resmı ókili Abbas Mýsavı Almatydaǵy ushaq apatyna baılanysty kóńil aıtty, dep habarlaıdy QazAqparat Irna agenttigine silteme jasap.

Ol qaza tapqandardyń otbasyna kóńil aıtty. Barlyq zardap shekkenderdiń tezirek saýyǵyp ketýine tiltestik bildirdi.

Aıta keteıik, búgin tańerteń Almatydan Nur-Sultan qalasyna ushyp shyqqan ushaq radardan joǵalyp ketti.

Keıin 95 jolaýshy men 5 ekıpaj múshesi bar ushaqtyń apatqa ushyraǵany málim boldy. Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.

QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi. Elbasy Nursultan Nazarbaev jolaýshylar ushaǵynyń apatqa ushyraýyna baılanysty kóńil aıtty.

QR DSM ushaq apatynan zardap shekkenderge medıtsınalyq kómek kórsetý úshin resýrstar jetkilikti ekenin, qan tapsyrýdyń qajeti joq ekenin málimdedi.