Iran-Qazaqstan qarym-qatynasynyń damýyna keıbir kedergilerdiń joıylatynyna senemin - Rýhanı
«Qazaqstan Respýblıkasynyń 25 jyldyq mereıtoıyna oraı Sizdi jáne biz úshin asa qymbat Qazaqstan halqyn quttyqtaımyz. Biz musylman memleketteri sanalatyn elderimiz arasyndaǵy dostyq pen baýyrlastyq qarym-qatynasty jalǵastyrýdy qoldaımyz. Sonymen qatar bizdi Kaspıı boıyndaǵy tarıhı, ejelden kele jatqan kórshilestigimiz de baılanystyryp jatyr. Biz qarym-qatynasymyzdy barlyq salada kóterýge nıettimiz», - dedi Iran Prezıdenti.
Rýhanı Elbasy Nursultan Nazarbaevqa Iran men «altylyq» arasyndaǵy ıadrolyq kelisimge qol jetkizýdegi, sonymen qatar birlesken is-qımyl josparyn júzege asyrýdaǵy aıryqsha róli úshin shynaıy rızashylyǵyn bildirdi.
«Sonymen birge beıbit atom salasyndaǵy Iran men Qazaqstan arasyndaǵy jaqsy yntymaqtastyq úshin de Sizge shynaıy rızashylyǵymdy bildiremin. Siz ár ýaqytta da halyqaralyq arenada, uıymdarda jáne óńirlik deńgeıde Iranǵa qoldaý bildirip kelesiz. Bizdiń qarym-qatynasymyzdyń damýyna bóget bolatyn keıbir kedergilerdiń joıylatyndyǵyna senim artamyz», - dedi Rýhanı.
