Iran qamaýda bolǵan frantsýz azamatyn bosatty

ASTANA. KAZINFORM — Iran bıligi 2022 jyldyń qazan aıynan beri qamaýda jatqan frantsýz azamaty Olıve Grondony bosatty, dep habarlaıdy TRT aqparattyq agenttigi.

Иран қамауда болған француз азаматын босатты
Фото: TRT ақпараттық агенттігі

Frantsııa Prezıdenti Emmanýel Makron X platformasynda 34 jastaǵy Grondo «erkindikke shyǵyp, jaqyndarymen birge» dep jazdy. Ol «Iranda áli de qamaýda otyrǵan eki frantsýz azamatyn bosatýǵa kúsh-jigerimizdi aıamaımyz» dep qosty. Grondonyń bosatylý sharttary týraly qosymsha málimet jarııalanbady. Ońtústik Frantsııanyń Monpele qalasynnyń týmasy Grondo qazirgi ýaqytta aýrýhanada tekserýden ótýde. Sońǵy aılarda onyń densaýlyǵy, ásirese psıhologııalyq turǵydan qatty álsiregen.

Batys elderi Irandy óz azamattaryn jalǵan aıyptarmen qamaýǵa alyp, olardy saýdalasý quraly retinde paıdalaný úshin «memlekettik kepildikke alý» strategııasyn qoldanýda dep aıyptap keledi.

Grondo 2022 jyldyń qazan aıynda Irannyń ońtústigindegi Shıraz qalasynda ustalyp, «Islam Respýblıkasyna qarsy qastandyq» úshin bes jylǵa bas bostandyǵynan aıyrylǵan edi.
Onyń otbasy bul aıyptardy joqqa shyǵaryp, Grondony parsy poezııasyna qumar saıahatshy retinde sıpattap, ony álemdik týr aıasynda týrıstik vızamen Iranǵa barǵanyn málimdedi.
Al 2022 jyldyń qyrkúıeginen beri Iranda qamaýda otyrǵan taǵy bir frantsýz tutqyny Lýı Arno 2024 jyldyń maýsymynda bosatylǵan edi.

Eske sala keteıik, buǵan deıin Izraıl túrmesinde 45 jyl otyrǵan palestınalyqtyń bostandyqqa shyǵatyny týraly jazǵan bolatynbyz.

Сейчас читают