Iran Izraılmen ýaqytsha bitim jasasqannan keıin áýe keńistigin tolyq ashty
ASTANA. KAZINFORM — Iran Izraılmen bolǵan 12 kúndik qaqtyǵystan keıin engizilgen barlyq áýe qozǵalysy shekteýlerin alyp tastady. Bul týraly Irannyń Azamattyq avıatsııa uıymy málimdedi, dep habarlaıdy Sınhýa.
Mekemeniń málimetinshe, ishki jáne halyqaralyq reıster soǵysqa deıingi deńgeıge qaıta oraldy. Sonymen qatar Tegerandaǵy Mehrabad halyqaralyq áýejaıynyń táýlik boıy jumys rejımi qalpyna keltirilgeni rastaldy.
— Osy sátten bastap barlyq áýe kompanııa men týrıstik agenttikter bılet satýdy jáne reısterdi brondaýdy táýlik boıy qaıtadan júzege asyra alady, — delingen málimdemede.
Eske salaıyq, Iran áýe keńistigin 13 maýsymda Tegeran men ózge de aımaqtarǵa Izraıldiń áýe shabýyldary jasalǵannan keıin japqan bolatyn. Qaqtyǵys 24 maýsymda bitimmen aıaqtaldy.
Iran áýe keńistigin kezeń-kezeńimen ashýdy 26 maýsymda bastady. Áýejaılar qalypty jumysqa birtindep qaıta kóshti. 17 shildede Azamattyq avıatsııa uıymy barlyq áýejaıdyń tolyq jumysyn qalpyna keltirgenin habarlady, tek Mehrabad áýejaıy ǵana 4:00-den 19:00-ge deıin shekteýli rejımde jumys istegen edi.
Aıta ketelik Iranda eldiń qorǵanysyn qamtamasyz etetin jańa Keńes qurylady.