Iran Izraılmen soǵystan soń áskerı jattyǵý ótkizdi
ASTANA. KAZINFORM - Bul Tegeranyń qorǵanys múmkindikterin nyǵaıtyp, jańa qaýipterge qarsy turýǵa daıyn ekendigin kórsetý, dep habarlaıdy Kazinform agenttiginiń menshikti tilshisi.
Irannyń áskerı-teńiz kúshteri beısenbi kúni Úndistannyń soltústik bóligindegi Oman teńizinde «Turaqty qýat-1404» dep atalatyn aýqymdy zymyrandyq oqý-jattyǵýlar ótkizdi, dep habarlaıdy IRNA agenttigi.
Bul – maýsym aıynda Iran men Izraıl arasynda bolǵan 12 kúndik soǵystan keıin Tegeran ótkizgen alǵashqy derbes áskerı oqý-jattyǵý. Atalǵan qaqtyǵys kezinde Irannyń ıadrolyq jáne áýe shabýylyna qarsy qorǵanys nysandaryna soqqylar jasalǵan bolatyn.
Iran BAQ-tarynyń habarlaýynsha, oqý-jattyǵýlar barysynda ártúrli qashyqtyqtaǵy «Nasır», «Kadır» jáne «Kader» qanatty zymyrandary qoldanylǵan. Zymyrandar jaǵalaýdaǵy qondyrǵylar men teńizdegi kemelerden, atap aıtqanda «Genaveh» fregaty men «Sabalan» esmınetsinen — ushyrylyp, barlyǵy belgilengen nysanalarǵa dál túsken.
Islam respýblıkasynyń Qorǵanys mınıstri, brıgada generaly Azız Nasırzade Iranda soǵys kezinde qoldanylǵan qarýlardan asyp túsetin jańa qarý túrleri bar ekendigin málimdedi.
Onyń sózinshe, zymyrandardyń zymyranǵa qarsy júıge qarsy turý múmkindigi 90 paıyz.
Oqý-jattyǵý barysynda ushqyshsyz ushatyn apparattar men radıoelektrondyq kúres elementteri qoldanyldy. Áskerı vedomstvonyń málimetinshe, bul sharalar yqtımal shabýyldarǵa toıtarys berý daıyndyǵyn arttyryp, túrli bólimsheler arasyndaǵy ózara árekettesý múmkindigin jetildiredi.
Irandyq telearnalar jattyǵýdyń Kaspıı teńizinde Reseı men Iran birlesip ótkizgen «Casarex 2025» oqý-jattyǵýlarynan keıin bir aı ótken soń ótip jatqanyn habarlady. Bul joly jattyǵýlar eldiń ońtústigindegi sýlarda, turaqty áskerı-teńiz kúshteriniń qatysýymen ótti.
- Jaýdyń kez kelgen qıturqylyǵyna birden jáne joıqyn soqqy beriledi, - delingen qorǵanys mınıstrliginiń málimdemesinde.
Arab BAQ-tarynyń jazýynsha, bul Tegerannyń qorǵanys áleýetin jyldam qalpyna keltirip, tejeý múmkindikterin nyǵaıta alatyndyǵyn pash etý bolatyn.
Sarapshylar oqý-jattyǵýdy Irannyń qarsy turýǵa daıyndyǵy men maýsymda nuqsan kelgen áskerı ımıdjin qalpyna keltirýge umtylysy ekendigin aıtady.
Osyǵan deıin Iran Izraılmen qaqtyǵys kezinde 21 myń adam ustalǵanyn habarladyq.