Iran Izraılmen atysty toqtatý rejımi kúshine engenin málimdedi
ASTANA. KAZINFORM — Iran tarapynan atysty toqtatý rejımi kúshine endi, dep habarlaıdy Press TV.
— Atysty toqtatý Irannyń Izraıl basyp alǵan aýmaqtarǵa tórt ret shabýyl jasaýynan keıin bastaldy, — dep habarlaıdy Press TV.
Buǵan deıin Tramp Izraıl men Iran arasynda atystyń tolyq toqtatylǵanyn jarııalaǵan bolatyn. Kelisim AQSh pen Qatardyń birlesken deldaldyǵynyń nátıjesi boldy.
Eske sala ketsek, 13 maýsymǵa qaraǵan túni Izraıldiń áskerı-áýe kúshteri Iranǵa soqqy jasady. Tegeranda jarylystardyń dybysy estildi. Izraıl tótenshe jaǵdaı rejımin jarııalap, óziniń áýe keńistigin japty. Iran Izraıl soqqysynan joǵary áskerı qolbasshylary men jetekshi ǵalymdary qaza tapqanyn rastady.
Jaýap retinde Iran Izraıl baǵytyna 100-den astam ushqyshsyz ushý apparatyn (dron) jiberdi.
AQSh prezıdenti Donald Tramp Irannyń ıadrolyq ınfraqurylymyna qarsy júrgizilgen «óte sátti» áskerı operatsııa týraly málimdedi.