Iran Izraılge zymyranmen shabýyl jasamaq: AQSh eskertý jasady
ASTANA. KAZINFORM – ASTANA. KAZINFORM – Iran Izraılge zymyranmen shabýyl jasaýǵa daıyndalyp jatyr. Bul týraly AQSh aqparat quraldaryna aty-jónin atamaǵan AQSh-tyń joǵary laýazymdy sheneýnigi habarlady, dep jazdy Euronews.
«Irannyń Izraılge shabýyly sózsiz», - dedi ol.
Derekkóz Qurama Shtattar Izraıldiń qorǵanys salasyndaǵy daıarlyǵyn belsendi qoldaıtynyn atap ótti.
Keıin Izraıl Qorǵanys áskeriniń ókili Danıel Hagarı Irannyń yqtımal shabýyly jóninde arnaıy brıfıng ótkizdi. Onyń aıtýynsha, Izraıl zymyran ushyrýǵa ázirlenip jatyr.
«AQSh bizge Irannyń zymyran ushyrýǵa daıyndalyp jatqanyn eskertti, biraq qazirgi kezeńde Irannan zymyran ushyrý tirkelgen joq», - dedi Hagarı.
Ol Izraıl qorǵanys kúshteriniń joǵary daıyndyqta ekenin jáne Irannyń Izraılge shabýylynyń saldary bolatynyn qosyp ótti.
