Iran Izraılge shabýyl jasady

ASTANA. KAZINFORM - Iran ballıstıkalyq zymyrandar men drondardy qoldana otyryp, Izraılge jappaı shabýyl jasady, dep habarlaıdy IRNA.

TASS-tyń habarlaýynsha, Tegeran Izraıldiń Haıfa qalasyndaǵy munaı óńdeý zaýytyna soqqy bergen. Bul týraly ırandyq telearna habarlady.

Irannyń Izraıl aýmaǵyna zymyran shabýylynyń maqsaty onyń negizgi energetıkalyq nysandary boldy, dep habarlady Fars agenttigi.

Eske sala keteıik, juma, 13 maýsymǵa qaraǵan túni Izraıl Iranǵa jappaı soqqy berdi. Buǵan jaýap retinde Tegeran Izraılge qaraı júzden astam dron ushyrdy. Iran Natanzedegi ıadrolyq qondyrǵynyń zaqymdanǵanyn rastady, biraq radıatsııanyń aǵyp ketkenin joqqa shyǵardy.

Iran Izraılge zymyran soqqylarynyń jańa tolqynyn bastady. Izraıldiń Tótenshe jaǵdaılar qyzmeti habarlaǵandaı, ırandyq zymyran atysynan eki adam qaza tapty – shamamen 60 jastaǵy áıel jáne 45 jastaǵy er adam. Taǵy 19 adam jaraqat aldy, dep habarlady Izraıldiń jedel járdem qyzmeti.

Irannyń BUU-daǵy ókili Izraıldiń áýe shabýyly saldarynan 78 adamnyń qaza tapqanyn aıtqan bolatyn. Iranda 320-dan astam adam jaraqat aldy.

Buǵan deıin Iran joǵary shendi áskerı qolbasshylar men jetekshi ǵalymdardyń Izraıl soqqysy saldarynan qaza tapqanyn rastady.

Iran Izraıl shabýylynan keıin Ormýz buǵazyn jabaıyn dep jatyr.

Iran-AQSh kelissózderine deldal bolyp júrgen Oman Syrtqy ister mınıstri Badr ál-Býsaıdı jeksenbi kúni Maskatta ótýi josparlanǵan kelissóz ótpeıtinin rastady.

Izraıl Iranǵa taǵy soqqy jasap jatyr.

Eýroodaq Izraıl-Iran qaqtyǵysyna qatysty málimdeme jasady.

ShYU elderi Izraıldiń Iranǵa jasaǵan áskerı shabýylyn qatań aıyptady.

Iran prezıdenti Makronǵa Izraıl soqqysyn toqtatpaıynsha AQSh-pen kelissóz júrgizbeıtinin aıtty.