Iran Izraılge ondaǵan zymyran atty

ASTANA. KAZINFORM – Jeksenbi kúni tańerteń Irannyń Islam revolıýtsııasy saqshylar korpýsy (KSIR) Izraılge qaraı otyzǵa jýyq zymyranmen soqqy jasady, dep jazdy DW.

AQSh áskerı-áýe kúshteri Irannyń ıadrolyq nysandaryna soqqy bergennen keıin birneshe saǵattan keıin qarymta shabýyl jasaldy.

Irannyń memlekettik telearnasynyń málimetinshe, shabýyl úshin shamamen 30 zymyran qoldanylǵan.

Reuters kýágerlerge silteme jasap, Izraıldiń ortalyq bóliginde birneshe jarylystyń bolǵanyn habarlady.

AFP agenttigi Ierýsalımde de jarylystar tirkelgenin jazady.

Izraıldiń Kan teleradıokorporatsııasy kem degende on zymyran soqqysy jasalǵanyn rastady.

Buǵan deıin Iran jaǵy AQSh-tyń ıadrolyq nysandarǵa jasaǵan shabýylyn Batys pen Izraıl tarapynan bolǵan ashyq arandatýshylyq dep baǵalap, jaýap qaıtarýǵa ýáde etken edi.

KSIR málimdemesinde bul shabýyl Iran men Izraıl arasyndaǵy shıelenisti tolyqqandy soǵysqa aınaldyrǵanyn aıtqan.

Keıinirek Qazaqstan Respýblıkasynyń Syrtqy ister mınıstrligi de Taıaý Shyǵystaǵy jaǵdaıǵa qatysty málimdeme jasap, ıadrolyq qarýdyń taralýyna jol bermeıtin kelisim jasaý qajettigin atap ótti.

Eske sala keteıik, AQSh Irannyń ıadrolyq nysandaryna soqqy jasap, Tramp operatsııany sátti dep atady.

Artynsha Donald Tramp Irannyń ýran baıytý nysandaryn tolyqtaı joıǵanyn málimdedi.

SІM Taıaý Shyǵystaǵy ahýalǵa baılanysty málimdeme jasady.