Iran Izraılge qarsy zymyrandyq soqqylardyń jańa tolqynyn bastady
ASTANA. KAZINFORM — Iran Izraıl aýmaǵyna zymyrandyq soqqylardyń jańa tolqynyn bastady, dep habarlaıdy Report.
Bul aqparatty Izraıl qorǵanys kúshteri (IDF) rastady.
IDF baspasóz hatshysy áýe shabýylyna qarsy qorǵanys kúshteriniń nysanalardy ustap jatqanyn aıtty. Eldiń birneshe aımaǵynda, sonyń ishinde Izraıldiń soltústigi men ortalyǵynda áýe shabýyly týraly eskertý jarııalandy.
Eske salaıyq, keshe Izraıl Tegeranǵa «preventıvtik soqqy» jasady.
Osydan keıin Iran Izraılge qarymta jaýap retinde birneshe zymyran jiberdi. Iran Izraıldiń soltústik jáne ortalyq aımaqtaryna, sondaı-aq Ierýsalımge zymyrandar ushyryp, birneshe óńirde áýe dabyly iske qosyldy. Halyqqa tez arada qaýipsiz oryndarǵa barý eskertildi.
Sondaı-aq Iran Parsy shyǵanaǵyndaǵy AQSh-tyń áskerı nysandaryna shabýyl jasady.
AQSh pen Izraıldiń Tegeranǵa jasaǵan soqqylaryna baılanysty Irannyń joǵarǵy jetekshisiniń taǵdyry jóninde qarama-qaıshy aqparattar paıda boldy. Shabýyl saldarynan Iranda 201 adam qaza tapty.
