Iran Izraıldiń ońtústigindegi qalalarǵa qaıta soqqy jasady
ASTANA. KAZINFORM – Iran Izraıldiń ońtústigindegi Arad jáne Dımona qalalaryna kezekti jaýap soqqylaryn jasady, dep habarlaıdy Anadolu.
Izraıl armııasynyń málimetinshe, Iran aýmaǵynan ushyrylǵan zymyrandardy ustap qalý úshin áýe shabýylyna qarsy qorǵanys júıeleri iske qosylǵan.
Qaýip tóngen aımaqtardaǵy turǵyndardyń uıaly telefondaryna eskertý habarlamalary jiberilip, arnaıy nusqaý berilgenge deıin panalaý oryndarynda bolý usynyldy.
Yedioth basylymynyń jazýynsha, áýe dabyly Dımona, Arad jáne Negev shóli ornalasqan Izraıldiń ońtústik óńirinde qosylǵan.
Aldyn ala málimet boıynsha, ońtústik baǵytqa ushyrylǵan zymyrandardyń basym bóligi áýe qorǵanys júıeleri arqyly joıylǵan.
«Magen Davıd Adom» jedel járdem qyzmeti qazirgi derekke sáıkes, sońǵy shabýyldan qaza tapqandar men zardap shekkender joq ekenin málimdedi.
Eske sala keteıik, 21 naýryz kúni Irannyń jaýap soqqysy kezinde Arad pen Dımona qalalarynda zymyrandardyń tikeleı túskeni habarlanǵan. Sol kezde Aradta 84 adam jaraqat alyp, Dımonada ondaǵan adam zardap shekken. Izraıl áskeri eki zymyrannyń ustalyp qalmaýyn «bir-birine qatysy joq tehnıkalyq aqaýlarmen» túsindirgen.
Buǵan deıin Izraıl Iran men Lıvan aýmaǵyna soqqylardy jalǵastyratynyn málimdegen.
