Iran Izraıldiń adam quqyqtaryn óreskel buzǵany týraly aıǵaqtardy Halyqaralyq sotqa jiberedi
ASTANA. KAZINFORM – Iran bıligi ırandyq-ızraıldik qaqtyǵysy kezinde Izraıldiń adam quqyqtaryn óreskel buzǵany týraly dálelderdi Halyqaralyq Qylmystyq Sotqa (HQK) jiberedi. Bul týraly Iran Qyzyl Jarty Aı qoǵamy basshysynyń orynbasary Razıe Alıshavandı málimdedi, dep habarlaıdy TASS.
– Bizdiń uıym adam quqyqtarynyń óreskel buzylǵanyn dáleldeıtin aıǵaqtardy HKS-ke jiberedi jáne biz [osy másele boıynsha] basqa halyqaralyq organdarmen yntymaqtasatyn bolamyz, - dep keltiredi onyń sózin IRNA.
Irannyń Qyzyl Jarty Aı qoǵamynyń málimeti boıynsha, Iran men Izraıl arasyndaǵy 12 kúnge sozylǵan qarýly qaqtyǵysta 10 jedel járdem kóligi men 8 medıtsınalyq mekemege shabýyl jasalyp, 102 áıel men 38 bala qaza tapqan.
Buǵan deıin Islam respýblıkasy bıligi Izraıldiń Iran terrıtorııasyna jasaǵan soqqylarynan qaza tapqandar sany 1 060-qa jetkenin habarlaǵan.