Iran Izraıl soqqylarynan keıin ıAdrolyq qarý taratpaý kelisiminen shyǵamyz dep qorqytty

ASTANA. KAZINFORM - Iran bıligi syrtqy saıasatyn qaıta qaraý máselesin kóterip otyr, dep habarlaıdy Kazinform tilshisi.

Iran SІM-niń ókili Esmaıl Bagaı dúısenbi kúni Iran parlamenti eldiń ıAdrolyq qarýdy taratpaý kelisiminen (ıAQTK) shyǵýy týraly zań jobasyn daıyndap jatqanyn aıtty.

- Osyǵan qaramastan, Iran jappaı qyryp-joıatyn qarý jasaýdan bas tartý oıynda qala beredi, - dedi dıplomat.

ıAQTSh shartynan shyǵý týraly bastamany bir kún buryn Iran Májilisiniń (bir palataly parlament) Ulttyq qaýipsizdik jáne syrtqy saıasat komıtetiniń múshesi Ebragım Rezaı kótergen bolatyn.

- Bul kelisim bizdiń qaýipsizdigimizdi qamtamasyz etýi kerek edi, - dedi ırandyq depýtat.

Parlamentte Iran prezıdenti Masýd Pezeshkıan da sóz sóıledi.

Resmı IRNA agenttiginiń habarlaýynsha, ol Tegerannyń ıadrolyq qarýǵa ıe bolýǵa umtylmaıtynyn qaıtalady.

- Biz ıadrolyq qarýǵa ıe bolýǵa umtylmaımyz. Batys Iranǵa ony alýǵa ruqsat bermeý kerek deıdi, biraq biz buǵan múldem umtylmaımyz, - dedi ol.

Islam respýblıkasynyń prezıdenti Irannyń ýrandy beıbit maqsatta baıytýdy jalǵastyratynyn jáne energetıka salasynda ıadrolyq energııany paıdalaný quqyǵyn talap etetinin atap ótti. Sonymen birge Pezeshkıan óz úkimetiniń AQSh-pen ıadrolyq baǵdarlama boıynsha kelissózder júrgizip jatqanyn rastady.

Memleket basshysy sóılegen sózinde Izraıldiń Iran terrıtorııasyna jasaǵan shabýyldaryn qatań túrde aıyptap, olardy basqynshylyq áreket dep atady.

Ol sondaı-aq Irak premer-mınıstri Mohammad Shıa ál-Sýdanımen telefon arqyly sóılesip, onyń barysynda Baǵdadqa qoldaý kórsetkeni úshin alǵys aıtyp, Iranǵa qarsy paıdalanylýyna jol bermeý úshin áýe keńistigin baqylaýdy arttyrýǵa shaqyrdy.

Buǵan jaýap retinde Irak premer-mınıstri BUU Qaýipsizdik Keńesine shaǵym túskenin rastap, eldiń egemendigin qamtamasyz etý úshin budan da batyl sharalarǵa daıyn ekenin málimdedi.

Pezeshkıan memlekettik teledıdar arqyly da halyqqa úndeý jasap, Irannyń basqynshy emestigin basa aıtty. Iran prezıdenti el halqyn birlikke jáne kez kelgen basqynshylyqqa tabandy túrde qarsy turýǵa shaqyrdy.

- Biz bul jaýgershilikke qarsy birigýimiz kerek. Bizdiń halqymyzdyń ádildik izdeýge quqyǵy bar. Biz óz ustanymymyzǵa berik bolamyz, - dedi Pezeshkıan.

Úzdiksiz shabýyldar men syrtqy qysym jaǵdaıynda parlamenttiń ıAQTSh-dan shyǵý týraly bastamasy Irannyń Batyspen qarsylasýyn kúsheıtýi múmkin.

ROsyǵan deıin Iran men Izraıl arasyndaǵy úzdiksiz soqqydan taǵy birneshe adam qaza tapqany týraly jazdyq.