Iran: Izraıl shabýylynan qaza tapqandar sany 1 060 adamǵa jetti
ASTANA. KAZINFORM — Izraıldiń Iran aýmaǵyna jasaǵan soqqylarynan qaza tapqandar sany 1 060 adamǵa jetti. Bul týraly dúısenbi kúni Iran Islam Respýblıkasy shahıdter men ardagerler isteri qorynyń tóraǵasy Saıd Ohadı málimdedi, dep jazady TASS.
— Búgingi keshke deıin biz Izraıl rejıminiń Iranǵa jasaǵan shabýyldarynan qaza tapqan 1 060 adamdy jerledik, — dedi ol Iran memlekettik telearnasynyń tikeleı efırinde.
Buǵan deıin Iran aýmaǵynda júrgizilgen áskerı is-qımyldar kezinde 950 adamnyń qaza tapqany habarlanǵan bolatyn.
Izraıl Iranǵa qarsy áskerı operatsııany 13 maýsymǵa qaraǵan túni bastady.
Odan keıin bir táýlike ótpeı, Iran jaýap retinde qarsy soqqy jasady.
Qaqtyǵys ýshyǵýynan keıin toǵyz kún ótken soń AQSh ta aralasyp, Fordo, Natanz jáne Isfahan qalalaryndaǵy Iran ıadrolyq nysandaryna soqqy berdi.
23 maýsym keshke Iran Katardaǵy Taıaý Shyǵystaǵy eń iri amerıkalyq áskerı baza — Ál-Ýdeıdke shabýyl jasady.
Osydan keıin AQSh prezıdenti Donald Tramp Izraıl men Irannyń atysty toqtatýǵa keliskenin jarııalady. Bitim 24 maýsym kúni kúshine endi.