Iran Izraıl men AQSh nysandaryna soqqy jasalǵanyn málimdedi
ASTANA. KAZINFORM – Irannyń Islam revolıýtsııasy saqshylary korpýsy Izraıldegi munaı óńdeý zaýyttaryna jáne AQSh áskerı-teńiz kúshteriniń Besinshi flotyna soqqy jasalǵanyn málimdedi, dep habarlaıdy Anadolu.
Iran tarapynyń málimetinshe, soqqy Haıfa men Rıshon-le-Tsıon qalalaryndaǵy munaı óńdeý zaýyttaryna jasalǵan. Sonymen qatar Tel-Avıvtegi Ben-Gýrıon áýejaıy da shabýyl nysandarynyń qatarynda bolǵan.
IRSK bul operatsııa «Shynaıy ýáde-4» dep atalyp, onyń 64-tolqyny júrgizilgenin habarlady.
Buǵan deıin Izraıl Iran men Qatar birlesip paıdalanatyn álemdegi eń iri gaz ken oryndarynyń biri – «Ońtústik Parsy» ken ornyna soqqy jasaǵany habarlanǵan.
Osy oqıǵadan keıin Iran aımaqtaǵy shıelenis kúsheıgen jaǵdaıda Birikken Arab Ámirlikteri, Saýd Arabııasy jáne Qatardaǵy energetıkalyq nysandarǵa da shabýyl jasalýy múmkin ekenin eskertken.
Aımaqtaǵy jaǵdaı kúrdeli kúıinde qalyp otyr. Sarapshylar Taıaý Shyǵystaǵy qaqtyǵystyń ýshyǵýy munaı naryǵyna jáne jahandyq qaýipsizdikke áser etýi múmkin ekenin aıtyp otyr.
Eske salaıyq, Tramp Qatarǵa shabýyl jasalsa, Irannyń Ońtústik Parsy gaz ken ornyna qaýip tónetinin eskertti.
