Iran Izraıl men AQSh bazalaryn ballıstıkalyq zymyranmen atqylaǵanyn málimdedi
ASTANA.KAZINFORM - Islam revolıýtsııasynyń qamqorshylar korpýsy (KSIR, Iran qarýly kúshteriniń elıtalyq bólikteri) Izraıl men AQSh bazalaryna qarsy «Shynaıy ýáde-4» operatsııasynyń 48-shi kezeńin jarııalady. Shabýyl barysynda ballıstıkalyq zymyrandar qoldanyldy, dep habarlaıdy TASS.
- «Shynaıy ýáde-4» operatsııasynyń 48-shi kezeńinde biz Kheibar Shekan klasty qatty otyndy ballıstıkalyq zymyrandar men Qadr klasty suıyq otyndy ballıstıkalyq zymyrandardy paıdalanyp, Izraıldiń soltústigine jáne Taıaý Shyǵystaǵy birneshe AQSh bazalaryna sátti soqqy berdik, - delingen Irannyń memlekettik telearnasy taratqan málimdemede.
Áskerıler AQSh-tyń qaı áskerı nysandaryna shabýyl jasalǵanyn naqtylaǵan joq.
28 aqpanda Izraıl Tegeranǵa qarsy «aldyn alý shabýylyn» bastady. Keıinirek AQSh prezıdenti Donald Tramp Iranǵa qarsy aýqymdy áskerı operatsııanyń bastalǵanyn jarııalady.
Islam revolıýtsııasy qamqorshylar korpýsy Izraıldegi nysandarǵa jáne aımaqtaǵy AQSh bazalaryna shabýyl jasaı otyryp, aýqymdy kek alý operatsııasyn jarııalady. Bahreındegi, Iordanııadaǵy, Katardaǵy, Kýveıttegi, BAÁ-degi jáne Saýd Arabııasyndaǵy AQSh áskerı nysandary nysanaǵa alyndy.
