Iran saqshylary korpýsynyń basshysy men Qorǵanys keńesiniń hatshysy qaza tapty — IRNA
ASTANA. KAZINFORM — Irannyń IRNA aqparat agenttigi qaza bolǵan Alı Hamenenı keńesshisi — Iran Qorǵanys keńesiniń hatshysy Álı Shamhanı men Islam revolıýtsııasy saqshylary korpýsynyń komandýıýşııy Mohammad Pakpýrdyń qaza tapqanyn resmı túrde rastady.
— Admıral Álı Shamhanı, Qorǵanys keńesiniń hatshysy, sondaı-aq Islam revolıýtsııasy saqshylary korpýsynyń (KSIR) bas qolbasshysy, general-maıor Mohammad Pakpýr senbi kúni AQSh pen Izraıldiń Tegeranǵa jasaǵan shabýyly saldarynan qaza tapty, — dep jazdy IRNA agenttigi.
Buǵan deıin 28 aqpanda Izraıl men AQSh-tyń birlesken áýe shabýyldary kezinde olardyń qaza bolǵanyn Izraıl Qorǵanys armııasy jáne AQSh prezıdenti Donald Tramp málimdegen. Donald Tramp ABC News agenttigine bergen suhbatynda operatsııa barysynda Irannyń jetekshileriniń «kózi joıylǵanyn» aıtqan.
— Áskerı qaqtyǵys bastalǵanǵa deıin Iran jetekshileriniń árqaısysyna olar qaza bolǵan jaǵdaıda almastyratyn tulǵalar daıyndalǵan. Hamenenı ólgen jaǵdaıda kim onyń mindetin almastyratynyn qaýipsizdik sebepterimen jarııalanbaǵan, — dep jazdy BBC.
Aıta keteıik, Iranda kóshbasshy Aıatolla Hameneıdiń qazasy rastaldy. Elde aza tutý jarııalandy.