Iran Iordanııa aýmaǵyna zymyrandar men drondarmen shabýyl jasady
ASTANA. KAZINFORM — Iordanııa Koroldigi taǵy da Iran tarapynan jasalǵan zymyrandyq jáne ushqyshsyz ushý apparattarynyń shabýylyna ushyrady. Eldiń áskerı kúshteri áýe nysandarynyń basym bóligin joıǵanyn málimdedi, dep habarlaıdy Kazinform agenttiginiń menshikti tilshisi.
Iordanııa Qarýly kúshteriniń málimetinshe, sársenbi kúni tańerteń áýe shabýylyna qarsy qorǵanys júıeleri Iran aýmaǵynan koroldikke qaraı baǵyttalǵan alty zymyrandy anyqtaǵan. Bul týraly Petra agenttigi habarlady.
Olardyń tórteýi eldiń áýe keńistigine engennen keıin atyp túsirildi, qalǵan ekeýi adam turmaıtyn shalǵaı aýmaqtarǵa qulaǵan. Iordanııa armııasynyń málimetinshe, zardap shekkender men qıraýlar tirkelgen joq.
Keıinirek Qarýly kúshterdiń qolbasshylyǵy Irannan Iordanııaǵa qaraı ushyrylǵan taǵy tórt ushqyshsyz ushý apparatynyń joıylǵanyn habarlady. Olardy joıý barysynda da adam shyǵyny men materıaldyq zalal tirkelmegen.
Jordan Air Defense Systems Intercept, Neutralize Four Iranian Droneshttps://t.co/47gc6TIFwb#Petra #Jordan pic.twitter.com/xJymQ0SBvK
— Jordan News Agency (Petra)-English News (@PetranewsEN) July 22, 2026
Habarlamaǵa sáıkes, Koroldik ınjenerlik korpýs bólimsheleri zymyrandar men olardyń bólshekteri qulaǵan jerlerge baryp, aýmaqtyń qaýipsizdigin qamtamasyz etip, belgilengen tártipke saı saldaryn joıý jumystaryn bastady.
Irandyq buqaralyq aqparat quraldary sársenbi kúni drondardyń Iordanııadaǵy amerıkalyq áskerı bazaǵa baǵyttalǵanyn málimdedi. Bul bazada AQSh áskerı qyzmetshileri ornalasqan.
Irannyń Islam revolıýtsııasy saqshylar korpýsy (KSIR) AQSh kúshteri ornalasqan Iordanııadaǵy Korol Feısal jáne Hanzada Hassan áskerı-áýe bazalaryna soqqy jasaǵanyn habarlady.
Fars agenttiginiń málimetinshe, shabýyldyń nysanasyna amerıkalyq áskerı qyzmetkerler paıdalanatyn turǵyn jáne sharýashylyq nysandary, sondaı-aq áskerı tehnıka qoımasy alynǵan.
Ázirge Pentagon bul aqparatqa túsinikteme bergen joq.
WATCH | US soldiers duck for cover during Iran strikes
— The Cradle (@TheCradleMedia) July 22, 2026
Body cam footage reportedly shows US soldiers scrambling for cover as a devastating Iranian barrage of missiles and drones struck Muwaffaq Salti Air Base in Jordan.
According to the US War Department, the retaliatory… pic.twitter.com/dNSaB7AncV
Jalǵasyp jatqan shabýyldar aıasynda Eýropalyq avıatsııalyq qaýipsizdik agenttigi (EASA) áýe kompanııalaryna Iordanııanyń áýe keńistigin paıdalanbaýǵa keńes berdi. Buǵan deıin osyndaı usynymdar Bahreın, Qatar, Kýveıt, Birikken Arab Ámirlikteri, Iran, Irak jáne Lıvanǵa qatysty da engizilgen bolatyn.
Agenttik shilde aıynyń ortasynan beri óńirdegi qaýipsizdik ahýaly aıtarlyqtaı nasharlap, áskerı belsendilik Iordanııanyń áýe keńistigine de jıi áser ete bastaǵanyn atap ótti.
Sonymen birge Iordanııanyń Azamattyq avıatsııa basqarmasy sársenbi kúni eldiń áýe keńistigi arqyly tranzıttik reısterdiń qalypty rejımde jalǵasyp jatqanyn málimdedi.
CARC confirms Jordan airspace operating 'normally'https://t.co/lfrVZ3Z9rj #Petra #Jordan pic.twitter.com/u35EMdKspb
— Jordan News Agency (Petra)-English News (@PetranewsEN) July 22, 2026
Retteýshi organnyń dereginshe, sońǵy alty saǵat ishinde Iordanııanyń áýe keńistigi arqyly 176 ushaq ótken. Barlyq reıs bekitilgen kestege sáıkes oryndalyp jatyr.
AQSh Qarýly kúshteriniń Ortalyq qolbasshylyǵynyń (CENTCOM) málimetinshe, ótken túni amerıkalyq áskerıler Iran aýmaǵyna kezekti soqqylar serııasyn jalǵastyrdy.
CENTCOM forces began striking military targets in Iran at 7 p.m. ET today for the 11th consecutive night. The strikes are designed to continue degrading Iran's ability to threaten commercial shipping in the Strait of Hormuz.
— U.S. Central Command (@CENTCOM) July 21, 2026
Bul qatarynan on birinshi operatsııa bolyp, jedel basqarý ortalyqtaryna, avıatsııalyq angarlarǵa, ushqyshsyz ushý apparattarynyń qoımalaryna jáne áskerı logıstıka nysandaryna baǵyttalǵan.
Buǵan deıin Pentagon Iranmen soǵystyń quny 37,5 mlrd dollardy quraǵanyn jarııalaǵan bolatyn.
Sondaı-aq 2026 jylǵy 7 shildeden beri Irannyń Taıaý Shyǵystaǵy amerıkalyq áskerı bazalarǵa jasaǵan áýe shabýyldary saldarynan 100-ge jýyq AQSh áskerı qyzmetshisi jaraqat alǵany habarlanǵan edi.
