Iran Hanııanyń ólimine baılanysty úsh kúndik aza tutý jarııalady

ASTANA. KAZINFORM — Palestınanyń ıslamdyq qarsylyq qozǵalysy (HAMAS) Saıası bıýrosynyń basshysy Ismaıl Hanııanyń ólimine baılanysty Iran Islam respýblıkasy úsh kúndik jalpyulttyq aza tutý jarııalady, dep jazady IRNA.

Iran Islam Respýblıkasynyń úkimeti Irannyń resmı jáne dıplomatııalyq qonaǵy Ismaıl Hanııaǵa qarsy lańkestik áreketti aıyptaı otyryp, muny sıonıstik rejımniń lańkestik sıpaty men álemniń kez kelgen jerinde qaýipsizdiktiń joqtyǵynyń taǵy bir aıqyn dáleli dep baǵalady.

Esterińizge sala keteıik, 2024 jyldyń 31 shildesinde Irannyń memlekettik buqaralyq aqparat quraldary Hanııanyń Iranda óltirilgenin habarlady, onda ol jańa saılanǵan Prezıdent Masýd Pezeshkıannyń ınaýgýratsııasyna qatysqan.

Marqummen qoshtasý rásimi 1 tamyzda Tegeranda ótedi. Osydan keıin máıit jerleý úshin Dohaǵa jiberiledi.