Iran HAMAS jetekshisiniń qazasyna jaýap retinde Izraılge soqqy jasamaq - The New York Times

ASTANA. KAZINFORM — Iran Izraıl aýmaǵyna soqqy jasaýǵa nıetti. Tıisti buıryqty Irannyń rýhanı jetekshisi Aıatolla Alı Hameneı berdi, dep jazady New York Times.

Hameneı sársenbi kúni tańerteń Tegeranda HAMAS basshysy Ismaıl Hanııa óltirilgennen keıin kóp uzamaı Ulttyq Qaýipsizdik Keńesiniń shuǵyl jınalysynda buıryq berdi, dep habarlady basylymǵa el basshylyǵynyń úsh joǵary laýazymdy ókili, olardyń ekeýi Islam revolıýtsııasynyń saqshylar korpýsynyń (KSIR) músheleri.

Iran Hanııanyń qazasyna Izraıldi aıyptady.

«Osy áreketimen... sıonıstik rejım aýyr jazaǵa negiz daıyndady», - degen Aıatolla Hameneıdiń sózin keltiredi Irna memlekettik aqparat agenttigi.

Óz kezeginde Iran prezıdenti Masýd Pezeshkıan X áleýmettik jelisinde óz eli «aýmaqtyq tutastyǵyn» qorǵaıtynyn jáne «terrorıst basqynshylar óz áreketine ókinetinin» jazdy.