Iran gazy Eýropaǵa Irak pen Sırııa arqyly tasymaldanbaq
ASTANA. 26 shilde. QazAqparat - Salynǵan sanktsııalarǵa baılanysty munaı men gaz saýdasynda biraz qıynshylyqtarǵa kezdesip otyrǵan Iran keshe, 25 shildede kórshi Irak jáne Sırııa arqyly gaz tranzıtteý týraly kelisimge qol qoıdy.
Irannyń Ońtústik Parsy kenishinde óndiriletin «kógildir otyn» bolashaqta Lıvan arqyly Eýropaǵa jetkiziletin bolady, dep habarlaıdy RBK agenttigi Press TV telearnasyna silteme jasap.
Jańa gaz qubyrynyń ótkizý múmkindigi 110 mıllıon tekshe metrdi quraıtyn bolady, al ony aldaǵy 3-5 jylda salyp bitirý josparlanýda.
10 mıllıard dollarǵa baǵalanyp otyrǵan gaz kelisimine atalǵan úsh arab eliniń munaı mınıstrleri qol qoıdy. Uzyndyǵy 5 myń shaqyrymdyq gaz qubyry Irannan Grekııaǵa deıin tartylatyn bolady. Oǵan qosa, «kógildir otynnyń» bir bóligi tranzıtteýshi elderge jetkiziledi: Iran 2020 jylǵa deıin 10-15 mıllıon tekshe metr gazǵa suranys bildirse, Lıvan - 5-7 mıllıon tekshe metr, Sırııa 15-20 mıllıon tekshe metr otynǵa suranys bildirip otyr.
Irannyń Munaı mınıstrliginiń ókilderi Irannyń qazirdiń ózinde táýligine 600 mıllıon tekshe metrge deıin gaz óndirýge qabiletti ekenin málim etýde. Iran - tabıǵı gazdyń qory boıynsha álemde Reseıden keıingi ekinshi orynda. Álemdik gaz qorynyń 15 paıyzy men munaı qorynyń 10 paıyzy Irannyń úlesine tıesili. Oǵan qosa, Iran - OPEK-te Saýd Arabııasynan keıingi ekinshi munaı jetkizýshi el. ıAdrolyq baǵdarlamasyna qatysty elge salynyp otyrǵan halyqaralyq sanktsııalarǵa qaramastan, Iran Islam Respýblıkasy 2015 jylǵa deıin munaı eksportyn táýligine 5,3 mıllıon barrelge jetkizbek, qazirgi kórsetkish - 4,2 mıllıon barrel.
