Iran fýtboldan álem chempıonaty fınaldyq kezeńine shyqty

ASTANA. KAZINFORM - Fýtboldan Iran quramasy 2026 jylǵy álem chempıonaty fınaldyq satysyna berilgen altynshy joldamaǵa ıe boldy.

Olar Azııa qurlyǵy boıynsha irikteý týrnıriniń segizinshi týrynda Ózbekstan quramasymen kezdesti. Eki qurama kósh basynda qatarlas tur. Iran quramasynyń enshisinde 19 upaı bolsa, olardan ózbekstandyq fýtbolshylardyń úsh upaıy kem edi.

Kezdesý barysynda ózbekstandyq qurama alǵashqy bolyp esep ashty. Oıynnyń 19-mınýtynda Hojımat Erkınov mergendik tanytty.

Irandyq fýtbolshylar birinshi kezeńde tarazy basyn teńestirýge umtyldy. Alaıda degenine jete alǵan joq.

Ekinshi kezeńde ırandyq Mehdı Taremı 52-mınýtta gol soqsa, Abbosbek Faızýllaev 53-mınýtta qaıtadan Ózbekstandy alǵa shyǵardy.

Oıynnyń 84-mınýtynda Mehdı Taremı taǵy bir márte mergendigimen kózge tústi.

Endi ózbekstandyq fýtbolshylar eki oıyn ótkizedi. Aldymen 5 maýsymda syrt alańda Birikken Arab Ámirligimen kezdesse, 10 maýsymda óz alańynda Qatardy qabyldaıdy. Eki oıynnyń birinde jeńiske jetken jaǵdaıda álem chempıonaty fınaldyq kezeńine tikeleı joldama alady.

Qazirge deıin álem chempıonaty fınaldyq satysyna uıymdastyrýshylar retinde AQSh, Meksıka, Kanada joldama alsa, irikteý kezeńinde olardyń qataryna Japonııa men Jańa Zelandııa qosyldy.

Eske salsaq, búgin fýtboldan Qazaqstan quramasy 2026 jylǵy álem chempıonaty irikteý kezeńindegi ekinshi oıynyn syrt alańda Lıhtenshteınge qarsy ótkizetinin jazǵan bolatynbyz.