Iran Eýropanyń 100 kompanııasynyń ımportyna shekteý qoıdy
ASTANA. 13 sáýir. QazAqparat - Iran burynyraqta Eýroodaq ózine jasaǵan túrli saýda-ekonomıkalyq shekteýler men munaı embargosyna jaýap retinde 100 iri kompanııanyń ımportyna shekteý qoıdy, dep jazady Lenta.rý saıty.
Bul týraly keshe eldiń saýda-sattyǵyn qoldaý Uıymy tóraǵasynyń orynbasary Sasan Hodaeı málim etken. Iranǵa kirgizýge tyıym salynǵan taýarlardyń ishinde sándik buıymdar da bar.
Sál buryn Iran Eýropanyń Germanııa, Ulybrıtanııa, Frantsııa, Ispanııa jáne Grekııa sııaqty birqatar elderine munaı jiberýin toqtatqan bolatyn. Endigi kezekte Italııa men Eýroodaqtyń basqa da elderi tur.
EO Iranǵa qatysty sanktsııalaryn qańtardyń sońyna qaraı jarııa etken edi. AQSh pen EO Irannyń ıadrolyq qarýdy damytýyn doǵarýdy talap etip, syltaýratýda. Alaıda Iran ıadrolyq qarý jasap jatqandyǵyn joqqa shyǵarady. Batys elderi ázirge Iranǵa qatysty sanktsııalarǵa Azııa elderiniń de qosylýyn qansha qalasa da, qol jetkize almaı otyr.
Sóıte tura, munaıǵa salynǵan embargo eýropalyqtardyń ózderin turalatyp ketýi ábden múmkin. Saýd Arabııasy Batysqa munaı jetkizýde Irandy almastyramyz degenimen, sanktsııanyń kesirinen búkil álem boıynsha bırjalardaǵy munaı baǵasy sharyqtap ketti.
