Iran «Eýro-5» markaly benzın shyǵarýdy qolǵa almaq
TEGERAN. KAZINFORM – Iran Eýro-5 standartynyń talaptaryna sáıkes keletin benzın shyǵarýǵa daıyn, dep habarlady Imam Homeını atyndaǵy munaı óńdeý kompanııasynyń basshysy Madjıd Radjabı. Bul týraly Trend jazdy.
Madjıd Radjabı kompanııanyń «Eýro 5» benzınin shyǵarý úderisinde ekenin jáne ol jaqyn arada naryqta shekteýli mólsherde shyǵarylatynyn aıtty.
Ol «Eýro-5» markaly benzındi óndirý jáne jetkizý Irannyń munaı ónimderin taratý jáne óńdeý jónindegi Ulttyq kompanııasymen birlesip júzege asyrylatynyn atap ótti. Kompanııa «Eýro-5» standarty boıynsha óndiretin barlyq benzın men dızel otynyn jetkizýge daıyn ekenin jarııalaǵany habarlandy.
Sheneýnik Shazand qalasyndaǵy Imam Homeını atyndaǵy munaı óńdeý zaýytynda «Eýro-4» benzıni men dızeldiń qazirgi óndirisin sáıkesinshe shamamen 16 jáne 12,4 mıllıon lıtr dep baǵalady.
Onyń aıtýynsha, «Eýro-5» markaly benzındi óndirý jáne jetkizý kólemi munaı ónimderin óńdeý jáne taratý kompanııasymen kelisilýi kerek. Al Shazand kompanııasy óndiretin barlyq benzın men dızel otynyn «Eýro-5» standartyna sáıkes jetkizýge daıyn.
