Iran eń tómengi jalaqyny 60% kóbeıtti

ASTANA.KAZINFORM - Iran bıligi eń tómengi jalaqy 60 % óskenin jarııalady, dep habarlaıdy Euronews.

Irannyń Eńbek mınıstri Ahmad Meıdarı eldegi eń tómengi jalaqynyń 60%-ǵa, 103 mıllıon rıaldan (67,5 Eýro) aıyna 166 mıllıon rıalǵa (109 Eýro) deıin óskenin rastady.

Basylym ómir súrý qunynyń ósýin ishinara óteýge arnalǵan bul shara ekonomıkalyq qıyndyqtardan týyndaǵan narazylyqtardan birneshe aı ótken soń qabyldanǵanyn atap ótti.

Esterińizge sala keteıik, 2025 jyldyń jeltoqsan aıynyń sońynda ekonomıkalyq jaǵdaıdyń nasharlaýy, ulttyq valıýta baǵamynyń kúrt tómendeýi jáne ınflıatsııanyń ósýi aıasynda Tegeranda narazylyqtar bastalyp, eldiń basqa qalalaryna da tarady.

Sońǵy úsh jyl ishindegi eń úlken jappaı narazylyq aktsııalaryna rıaldyń tarıhı mınımýmǵa deıin kúrt tómendeýi túrtki boldy.

Aıta keteıik, Iranda ekonomıkalyq qıyndyqtarǵa baılanysty bastalǵan narazylyq aktsııalary saldarynan qaza tapqandar sany 5 137 adamǵa jetkeni belgili bolǵan edi.