Iran elshisi: Palestındikterge gýmanıtarlyq kómek kórsetýge ázirmiz

«Izraılge palestındikterdiń Gaza sektoryndaǵy qaqtyǵystan bas saýǵalap bosqany kerek». Iran Islam Respbýlıkasynyń Qazaqstandaǵy Tótenshe jáne ókiletti elshisi Álı Akbar Djoýkar BAQ ókilderine bergen suhbatynda osyndaı pikir aıtty, dep habarlaıdy Kazinform. 

«Palestınaǵa kórshiles Mysyr, Iordanııa sııaqty elder Izraıl palestındikterdi óz aýmaǵynan qýatyn bolsa, osy aýmaqqa soǵys jarııalady dep esepteıtinin málimdedi. Izraıl palestındikterdi qýyp tastaǵysy keledi, kórshiles arab elderine bosyp ketsin dep otyr. BAQ-tan kórip otyrǵan shyǵarsyz, jergilikti halyq qatygez bombalaý áreketterine, ózge de problemalarǵa qaramastan, jer úshin kúresetinin aıtyp jatyr. Sondyqtan Iran da bosqyndardy azyq-túlikpen qoldap, gýmanıtarlyq kómek kórsetýge daıyn ekenin málim etti», - dedi Iran Elshisi.

Álı Akbar Djoýkar Gaza sektoryndaǵy halyqtyń ustanymyna túsinistikpen qaraıtynyn jetkizdi.

«Ázirge palestın jerinen bosqyn retinde aýǵan eshkim joq. Tipti irgedegi Mysyr men Iordanııaǵa pana surap barǵan joq. Gaza sektoryndaǵy turǵyndardyń ustanymy túsinikti. Óz sheshimderine myǵym bolyp, qarsylyq kórsete beretinderin aıtyp otyr», - dedi dıplomat.