Iran eli sý baǵdarlamalaryn iske asyrýǵa qomaqty qarjy jumsamaq
ASTANA. Tamyzdyń 7-si. QazAqparat - Osy jyldyń aıaǵyna deıin Iranda sý baǵdarlamalaryn iske asyrý úshin 3600 mlrd. týman bólinedi.
Irannyń sý arnasy kompanııasynyń atqarýshy dırektory Almas Vendıdiń aıtýynsha, bul qomaqty qarjy memlekette jańa sý tasymaldaý qubyrlaryn salyp, ózenderdi qalpyna keltirý jumystaryna baǵyttalmaq.
Almas Vendı bıylǵy qurǵaqshylyq máselesin tilge tıek ete otyryp, «qazirgi kezde kún qýaty men sýmen qamtamasyz etýge arnalǵan jańa tehnologııalar qoldanylýy tıis», dep atap ótti.
Ol sonymen qatar barlyq ırandyqtardy sýdy únemdeýge shaqyrdy.
