Iran eki jańa ıadrolyq nysannyń qurylysyn josparlap otyr
ASTANA. Aqpannyń 22-si. QazAqparat - Iran eki jańa ıadrolyq nysannyń qurylysyn josparlap otyr. Bul týraly IRNA aqparattyq agenttigine Irannyń Atom energııasy jónindegi uıymynyń basshysy Álı Akbar Selehı málim etti,
dep habarlaıdy ITAR-TASS.
Salehı myrzanyń aıtýynsha, Natanzedegi sııaqty ıadrolyq ortalyqqa uqsas 10 jańa kásiporyn salý týraly Prezıdent Mahmud Ahmadınejadtyń nusqaýlary júzege asyrylyp jatyr. «Biz bolashaq nysandar úshin 16-20 oryn izdep taptyq. Solardyń 10-y ǵana iriktelip alynady. Keler jyldan bastap biz ýrandy baıytatyn eki jańa kásiporynnyń qurylysyna tikeleı kirispekpiz», dep habarlady Irannyń Atom energııasy jónindegi uıymynyń basshysy (jańa jyl Iranda naýryzdyń 21-inen bastalady - agenttiktiń túsiniktemesi).
Ótken jyldyń qarasha aıynda Ahmadınejad Irannyń Atom energııasy jónindegi uıymyna ıadrolyq materıaldyń jyldyq óndirisin 250-300 tonnaǵa jetkizý úshin ýran baıytatyn 10 jańa zaýyttyń qurylysyna kirisýdi tapsyrmaǵan edi. MAGATE keńesiniń Qum qalasynyń mańyndaǵy jańa ıadrolyq nysannyń qurylysy úshin Islam Respýblıkasyn aıyptaǵan qarary qabyldanǵannan eki kúnnen Ahmadınejad osyndaı ókim berdi.
