Iran eger AQSh Sırııaǵa shabýyl jasaıtyn bolsa, qarsy áreket jasalatynyn uqtyrdy
ASTANA. 2 qyrkúıek. QazAqparat - Irandyq ıslam revolıýtsııasyn qorǵaý korpýsynda AQSh Sırııaǵa shabýyl jasaıtyn bolsa, qarsy áreket jasalatynyn uqtyrdy. Iran BAQ-yna bergen suhbatynda Islam revolıýtsııasyn qorǵaý korpýsynyń mádenıet jáne nasıhat jónindegi bóliminiń basshysy Mohammed Alı Assýdı osyndaı pikirin bildirdi, dep habarlady Rosbalt Reuters agenttigine silteme jasap.
«Eger Amerıka Sırııaǵa shabyýyl jasaıtyn bolsa, Iran jáne basqa da sırııalyqtarmen odaqtastar AQSh-ty pálege ushyratatyn qarsy áreket qoldanady. Amerıkandyq topastyq pen Sırııaǵa áskerı shabýyl bola qalsa, sırııalyq odaqtastardyń birlesken áskerı sharty kúshine enedi», - dedi Assýdı. Onyń sózin birqatar ırandyq jáne batys BAQ-tary keltirdi. Alaıda ırandyq jańalyqtar resýrstaryna ornalastyrylǵan suhbattan Assýdıdiń sózi sebepsiz alynyp tastalǵan. Resmı Tegran buǵan oraı túsinikteme bergen joq.
Eske sala keteıik, Iran men Sırııa 2006 jyly áskerı shart jasasty. Onyń mazmuny belgisiz, sondaı-aq shartqa basqa yqtımal qatysýshylar da belgisiz qalyp otyr.
