Iran dollardy qoldanýǵa tyıym saldy
ASTANA. QazAqparat - Iran ımporttaý operatsııalarynda amerıkalyq valıýtany qoldanýdan bas tartty, dep habarlaıdy Forbes.
Iran Islam Respýblıkasynyń úkimeti amerıkalyq dollardy qoldanýǵa shekteý qoıyp, ony ımporttyq operatsııalarda qoldanýǵa tolyqtaı tyıym saldy.
Financial Tribune Iran ekonomıkalyq basylymy atap ótkendeı, bul qadam sońǵy aptada eldiń valıýta naryǵynda baıqalǵan qubylmalylyq deńgeıin tómendetýge baǵyttalǵan.
Osy aptada Irannyń Indýstrııa jáne saýda mınıstrliginiń ımport operatsııalaryna dollardan bas tartý týraly dırektıvasy kútpegen oqıǵa boldy. Qujatqa sáıkes, Iran keden organdary taýarlardy jetkizý tapsyrystaryn jasaǵanda jáne basqa da ımporttyq deklaratsııalarda dollardy paıdalanbaıdy.
Forbes-tyń jazýynsha, bul jaǵdaı Irandaǵy ımport qunyna jáne eldegi ınflıatsııanyń ósýine ákep soqtyrýy múmkin.
