Iran Densaýlyq saqtaý mınıstriniń orynbasary koronavırýs juqtyrdy
TEGRAN. IRNA - QazAqparat – Iran Densaýlyq saqtaý mınıstriniń orynbasary Iradj Harırchı koronavırýs juqtyrǵany belgili boldy, dep habarlaıdy QazAqparat IRNA agenttigine silteme jasap.
«Koronavırýs juqtyrǵanymdy habarlaǵym keledi. Kesheden beri qyzýym kóterildi, alǵashqy saraptama oń nátıje kórsetti», -dep málimdedi Harırchı seısenbi kúni. Ol emdelýdi bastaǵanyn jáne qyzýynyń túsip jatqanyn atap ótti.
Sondaı-aq, Iran Densaýlyq saqtaý mınıstrliginiń ókili Kıanýsh Djahanpýr koronavırýstyń jańa túrinen kóz jumǵandar sany 15-ke jetip, taǵy 35 indet juqtyrǵan adam tirkelgenin habarlady.
