Iran BUU sanktsııalarynyń kúshi joıylǵannan keıin ShYU-ǵa múshelikke úmittene alady
ASTANA. QazAqparat - Iranǵa salynǵan BUU sanktsııalarynyń kúshi joıylǵannan keıin bul el Shanhaı yntymaqtastyq uıymyna tolyqqandy múshe bola alady, dep habarlady IrTAG.
RF SІM basshysynyń orynbasary Igor Morgýlov Hanty-Manskııskide bolǵan ShYU 10-shy forýmynda jýrnalısterge málimdegendeı, Iran baqylaýshy mártebesinen uıymnyń tolyqqandy músheligine kóshýge ótinim berdi. Alaıda, onyń aıtýynsha, jekelegen máseleler bar, ony ótinimdi qaraý barysynda eskerý qajet.
«ShYU hartııasynda sanktsııasy bar elder ShYU-ǵa tolyqqandy múshe bola almaıtyny aıtylǵan. Ázirge Iranǵa qarsy sanktsııa bar, Iranda ShYU-ǵa tolyqqandy múshe bolýǵa zańdy múmkindik joq.
Alaıda biz taıaý ýaqytta ırandyq ıadrolyq baǵdarlama aınalasyndaǵy jaǵdaı retteledi dep úmittenemiz. Bul Iranǵa qarsy sanktsııany alyp tastaýǵa jáne onyń ShYU-ǵa múshelikke ótýine jol ashady», - dedi I. Morgýlov.
