Iran BUU ókilderinen Iemenge gýmanıtarlyq kómek jóneltýge qoldaý surady
ASTANA. QazAqparat - Iran Islam Respýblıkasynyń ókilderi sonymen qatar jaraqat alǵan adamdardy óz eliniń aýrýhanalaryna jetkizýdi usynyp otyr, dep habarlaıdy QazAqparat TASS agenttigine silteme jasaı otyryp.
Iran gýmanıtarlyq júk tıelgen ushaqtyń Iemenge jetkizilýine qoldaý kórsetýdi surap otyr. Tasnim News Agency basylymynyń habarlaýynsha, bul másele IIR Syrtqy ister mınıstri Mohammad Djavad Zarıftiń BUU Bas hatshysy Pan GI Mýnǵa joldaǵan hatynda aıtylaǵan.
«Sanadaǵy qaraly jıyn kezinde áýeden jasalǵan sońǵy soqqylardan soń Iemendegi jaǵdaıdyń qıyndyǵyn, qıraǵan dúnıelerdiń kóptigin eskere otyryp, Irannyń Qyzyl Jarty aı qoǵamy ıemendik turǵyndarǵa dári-dármekterdi qosa alǵanda gýmanıtarlyq kómek joldaýǵa daıyn ekendigin bildiredi. Sonymen qatar Iran tarapy Sanadaǵy oqıǵadan zardap shekkenderdi óz elindegi aýrhanalarǵa jetkizip emdeýge de daıyn. Sizden halyqaralyq uıymnyń bedelin paıdalana otyryp, Irannan gýmanıtarlyq júkterdiń Iemenge jetkizilýine yqpal etýińizdi suramyn»,-delingen Pan GI Mýnǵa IIR-nyń halyqaralyq uıymdaǵy turaqty ókili jetkizgen hatta.
