Iran birqatar mańyzdy másele boıynsha AQSh-pen kelisimge qol jetkizdi
ASTANA. KAZINFORM – Tegeran Vashıngtonmen kelissózdegi ilgerileýshilik týraly málimdedi. Alaıda kelisimge qol qoıý áli jaqyn emes ekenin atap ótti, dep habarlaıdy Kazinform agenttiginiń Taıaý Shyǵystaǵy menshikti tilshisi.
Iran Syrtqy ister mınıstrliginiń ókili Esmaıl Bagaı dúısenbide ótken apta saıynǵy brıfıngide taraptar soǵysty toqtatý jáne Iran men AQSh arasyndaǵy ózara túsinistik týraly memorandým aıasynda «talqylanǵan taqyryptardyń aıtarlyqtaı bóligi boıynsha sheshimge kelgenin» málimdedi.
- Talqylanyp jatqan máselelerdiń kóbi boıynsha túsinistikke jettik dep aıtqan durys. Biraq kelisimge sózsiz qol qoıylatynyn eshkim aıta almaıdy, - dep málimdedi Bagaı.
Ol óz sózinde Vashıngtondy kelissóz barysynda óz ustanymyn ózgertti dep aıyptady. Onyń aıtýynsha, kelissózdiń qazirgi kezeńinde basty nazar soǵysty toqtatýǵa aýdarylyp otyr. Al ıadrolyq baǵdarlamanyń egjeı-tegjeıi áli talqylanyp jatqan joq. Bagaıdiń atap ótýinshe, ıadrolyq másele men joǵary baıytylǵan ýran qorlaryn talqylaý tek memorandým aıaqtalǵannan keıin jáne AQSh-tyń óz mindettemelerin, sonyń ishinde sanktsııalardy alyp tastaýdy jáne Iran aktıvterin toqtatýdy alyp tastaýdy oryndaǵannan keıin ǵana múmkin bolady.
Iran: Negotiations Focused on Ending War, Not Nuclear Enrichment
— Tasnim News Agency (@Tasnimnews_EN) May 25, 2026
Iran’s Foreign Ministry spokesperson stated that the current negotiations with the US are solely focused on ending the war, with no discussions on nuclear enrichment at this stage. pic.twitter.com/ntF4Q68EaB
Iran SІM ókili sonymen qatar Tegeran AQSh tarapynan bolashaq mindettemelerin oryndaıtynyna «eshqandaı kepildik» bermeıtinin málimdedi. Ol sońǵy aptalardaǵy ózgerister Pákistan men basqa elderdiń deldaldyq kúsh-jigeriniń arqasynda múmkin bolǵanyn qosty.
Bagaı Vashıngton men Tegeran arasyndaǵy jalǵasyp jatqan baılanystarǵa túsinikteme bere otyryp Izraıl kelissóz protsesin «buzýǵa» tyrysýy múmkin ekenin, al áskerı áreketterge shaqyrýlar Amerıka bıligine áser etýi múmkin ekenin málimdedi.
Buǵan deıin AQSh Memlekettik hatshysy Marko Rýbıo Iranmen soǵysty toqtatý týraly kelisimge «dál búgin» qol jetkizýge bolatynyn málimdegen bolatyn.
Osy arada Fars agenttigi kelissóz protsesiniń negizgi qatysýshylarynyń biri Mohammad Bager Galıbaftyń Iran parlamentiniń spıkeri bolyp jetinshi merzimge qaıta saılanǵanyn habarlady.
Osyǵan deıin AQSh pen Iran kelisimge jaqyndaǵanyn jazdyq: yqtımal mámile týraly ne belgili.
