Iran brıtan jáne frantsýz kompanııalaryna munaı satýdy toqtatty
ASTANA. 20 aqpan. QazAqparat - Eýroodaqtyń ırandyq munaı-gaz sektoryna qatysty sanktsııalaryna jaýap retinde Iran brıtan jáne frantsýz kompanııalaryna munaı satýdy toqtatty, dep habarlaıdy RBK.
Islam Respýblıkasynyń munaı ónerkásibi mınıstrliginiń saıtyna ornalastyrylǵan sáıkestendirilgen málimdemeni vedomstvonyń ókili Alızer Nıkzad jasady. «Biz munaıdy jańa klıentterge satatyn bolamyz», - dep eskertip ótti A.Nıkzad.
Esterińizge sala keteıik, qańtar aıynyń aıaǵynda Eýroodaq Keńesi ırandyq munaı jáne munaı ónimderin ımporttaýǵa, satyp alýǵa, tasymaldaýǵa, sondaı-aq olarǵa qatysty qarjylyq jáne saqtandyrý operatsııalaryna tyıym salǵan bolatyn. Iranǵa qatysty munaılyq embargo tolyq 2012 jyldyń 1 shildesinde óz kúshine engizilýi tıis.
Iran EO-tyń ekonomıkalyq sanktsııalaryna sımmetrııalyq jaýappen qorqytty. Islam Respýblıkasynyń Parlamenti embargonyń óz kúshine enýin kútpeı-aq Eýropaǵa munaı eksporttaý týraly zań qabyldaýǵa sóz berdi.
