Iran bir aptada Ormýz buǵazy arqyly zańsyz ótpek bolǵan 30 kemeni toqtatty
ASTANA. KAZINFORM – Iran qarýly kúshteri bir apta ishinde Ormýz buǵazy arqyly zańsyz ótýge áreket jasaǵan 30 kemeni ótkizbeı qoıdy, dep habarlaıdy BELTA agenttigi Mehr-ge silteme jasap.
Qazirgi ýaqytta Ormýz buǵazy arqyly kemelerdiń ótýi shekteýli rejımde júzege asyrylyp jatyr. Ol úshin Iran tarapymen kelisý jáne belgilengen alymdardy tóleý qajet.
– Qazirgi ýaqytta Ormýz buǵazy arqyly ótý Iran tarapymen kelisilgen jaǵdaıda jáne tıisti alymdar tólengennen keıin ǵana shekteýli rejımde júzege asyrylady, – delingen habarlamada.
Buǵan deıin Iran bıligi Tegeran belgilegen Ormýz buǵazy arqyly ótý erejelerin buzǵan kemelerge aıyppul salynatynyn eskertken bolatyn. Sondaı-aq talaptardy oryndamaǵan kemelerdi ustaý jáne tárkileý múmkindigi qarastyrylatyny aıtylǵan.
Ormýz buǵazy halyqaralyq munaı jáne gaz tasymaly úshin strategııalyq mańyzy bar teńiz joldarynyń biri sanalady.
Buǵan deıin AQSh Prezıdenti Donald Tramp amerıkalyq Áskerı-teńiz kúshteri Ormýz buǵazynyń halyqaralyq sýlaryn mınadan tolyq tazartý jumystaryn aıaqtaǵanyn málimdegen edi.
