«Iran bostandyqqa umtylyp jatyr»: Tramp AQSh kómektesýge daıyn ekenin málimdedi
ASTANA.KAZINFORM - AQSh prezıdenti Donald Tramp Iran úkimetine qarsy úsh jyl ishindegi eń iri jappaı narazylyq aktsııalaryna qatysty pikir bildirdi.
- Iran buryn-sońdy bolmaǵan bostandyqqa umtylyp jatyr. Amerıka Qurama Shtattary kómektesýge daıyn! - dep jazdy prezıdent Donald Tramp TruthSocial jelisinde.
Eske sala keteıik, Irannyń Joǵarǵy Kóshbasshysy aıatolla Álı Hameneı kóshedegi narazylyq bildirýshiler AQSh prezıdenti Donald Tramptyń múddesi úshin áreket etip jatqanyn málimdedi.
Juma kúni teledıdardan qysqasha sóılegen sózinde ol narazylyq bildirýshiler «basqa eldiń prezıdentiniń kóńilinen shyǵý úshin óz kóshelerin qıratyp jatyr» dedi.
— Keshe keshke Tegeranda vandaldar men tártipsizdik jasaýshylar toby kelip, memleketke, halyqtyń ózine tıesili ǵımaratty jaı ǵana AQSh prezıdentiniń kóńilinen shyǵý úshin qıratty, - dedi Hameneı.
Irannyń sońǵy shahynyń uly Reza Pehlevı ırandyqtardy senbi jáne jeksenbi kúnderi narazylyq aktsııalaryn jalǵastyrýǵa jáne qala ortalyqtaryn basyp alyp, ustap turýǵa shaqyrdy.
Irandaǵy narazylyq 28 jeltoqsannan beri 14 kún boıy jalǵasyp keledi.
Amerıkalyq Human Rights Activist News Agency (HRANA) agenttigi quqyq qorǵaýshylarynyń aıtýynsha, qazirdiń ózinde 50-ge jýyq narazylyq bildirýshi men qaýipsizdik kúshteriniń 15 qyzmetkeri qaza tapqan. HRANA málimeti boıynsha 2 311-den astam adam qamaýǵa alyndy.
