Iran Boeing kompanııasynan 100 azamattyq ushaq satyp alýǵa nıetti
ASTANA. QazAqparat - Tegeran amerıkandyq Boeing kompanııasymen 100 azamattyq ushaq satyp alý týraly kelisimge qol jetkizgenin jarııalady, dep habarlady Bı-bı-sı.
"Elimizde 250 ushaq bar, onyń 230-yn almastyrý qajet", - degen Iran azamattyq avıatsııa vedomstvosynyń basshysy Alı Abedzadehtiń sózderin keltirdi Frans press agenttigi. Ol kelisimdi AQSh úkimeti maquldaýy kerek ekenin qosty.
Kompanııa bolsa kelisimge kelgenin qýattaǵan joq. Sársenbi kúni Boeing ókilderi brıtanııalyq Guardian basylymyna satyp alý týraly kelissózder júrgizilip jatqanyn aıtty, alaıda tolyq aqparatty jetkizgen joq.
Ótken jyly Iranǵa qatysty halyqaralyq sanktsııalar alynǵan soń ushaq satyp alý múmkin boldy.
Osyǵan deıin el bıligi aldaǵy on jylda Irannyń eskirgen áýe flotyn jańǵyrtý úshin 400 ushaq kerek ekenin málim etti.
Irandaǵy azamattyq ushaqtardyń paıdalanyp kele jatqanyna ortasha alǵanda shamamen 27 jyl boldy.
Azamattyq avıatsııadaǵy halyqaralyq qaýipsizdik normalaryna sáıkes kelmegendikten, Irannyń 12 avıalaınerinen ózge barlyq ushaqtaryna Eýroodaq elderinde áýe keńistigin paıdalanýǵa tyıym salynǵan.
Osy aptada EO Iran Air ushaqtary Eýropaǵa qaıta usha alatynyn jarııalady.
