Iran bıyl azamattaryn qajylyqqa jibermeıdi
ASTANA. QazAqparat - Iran bıligi bıyl azamattaryn Mekkege qajylyq paryzyn óteý úshin jibermeıtin boldy. Bul týraly 24.kz jergilikti PressTV telearnasyna silteme jasap habarlady.
Parsy úkimeti Saýd Arabııasy qajylyqty óteýge kedergi týdyrady dep aıyptaǵan. Qos eldiń arasyndaǵy qarym-qatynasty jaqsartýǵa arnalǵan kelissózderdiń eki kezeńi de eshqandaı nátıje bermedi. Al, Er-Rııad Tegerannyń Iran azamattary úshin qaýipsizdik sharalaryn kúsheıtý týraly usynysyn qabyldamaǵan.
Aıta keteıik, byltyrǵy qajylyq kezinde Mına jazyǵynda 2,5 myń adam aıaq astynda taptalyp, kóz jumǵan edi. Marqumdardyń arasynda 464 Iran azamaty bolǵan.
