Iran bıligi Ulttyq qaýipsizdik joǵary keńesi hatshysynyń qaza tapqanyn rastady
ASTANA. KAZINFORM – Irannyń memlekettik BAQ-tary Ulttyq qaýipsizdik joǵary keńesiniń hatshysy Álı Larıdjanıdiń qaza tapqanyn rastady, dep habarlaıdy BBC agenttigi.
Irannyń memlekettik aqparat quraldarynyń jazýynsha, Larıdjanı ulymen, taǵy bir sheneýnikpen jáne kúzetshiler tobymen birge qaza tapqan.
Buǵan deıin Larıdjanıdiń qaza tapqanyn Izraıl qorǵanys mınıstri Israel Kats málimdegen edi. Tegeran bul aqparatqa kúni boıy pikir bildirmeı, tek keshke qaraı rastady.
Sonymen qatar Izraıl armııasy basqa bir soqqynyń saldarynan «Basıdj» áskerılendirilgen qurylymynyń qolbasshysy Golamreza Sýleımanıdiń de qaza tapqanyn habarlady. 17 naýryz, seısenbi kúni keshke Islam revolıýtsııasy saqshylary korpýsy Sýleımanıdiń ólimin resmı túrde rastady.
— Larıdjanı men «Basıdj» qolbasshysy túnde joıyldy, — dedi Israel Kats.
Eske sala keteıik, naýryz aıynyń basynda Irannyń Joǵary rýhanı kóshbasshysy Álı Hameneıdiń qaza tapqany belgili bolǵan edi. Keıinirek respýblıkada jańa joǵarǵy kóshbasshy bolyp Modjataba Hameneı saılandy.
