Iran bıligi mýzykant áıel bolǵany úshin kontsertti toqtatty

ASTANA. KAZINFORM – Irandaǵy kontsert áıel mýzykantqa baılanysty bolmaı qaldy. Bul týraly Irandaǵy adam quqyqtary uıymy habarlady, dep jazady Report.

Aqparatqa sáıkes, 5 aqpanda Isfahan qalasynda «Lıana» mýzykalyq tobynyń kontserti ótýi kerek edi. Alaıda mýzykanttardyń arasynda áıeldiń bolýyna baılanysty kontsert toqtatylǵan.

Kontsert ótkizýge barlyq quzyrly organdardan aldyn ala ruqsat alynǵany aıtylyp jatyr.

Mýzykalyq toptyń jetekshisi – Mohsen Sharıfıan. Onyń qyzy Lıana Sharıfıan da top múshesi. Onyń qatysýyna baılanysty kontsert ótpeıdi.

Aıta keteıik, buǵan deıin Italııa Iran elshisin SІM-ne shaqyryp, ustalǵan jýrnalıstiń bosatylýyn talap etkeni týraly jazǵan edik. Italııalyq arý Sesılııa Sala 19 jeltoqsanda Tegeranda jýrnalıst bolyp jumys istep júrgen kezinde qamaýǵa alynǵan.