Iran bıligi qurǵaqshylyq jaǵdaıynda jańbyrdy jasandy túrde jaýdyra bastady

ASTANA. KAZINFORM — Iran bıligi qurǵaqshylyqtan zardap shekken aýdandarda jasandy túrde jańbyr jaýdyrý úshin hımııalyq reagentterdi shashyratýǵa kiristi, dep habarlaıdy VVS.

Bulttardy sebý protsesi ushaqtan nemese jerden sý býy men jaýyn-shashynnyń kondensatsııasyn jedeldetetin kúmis nemese kalıı ıodıdi sııaqty zattardy shashýdy qamtıdy.

Senbi kúni bul ádis Irannyń eń iri tuzdy kóli Ýrmııa ústinde qoldanyldy. Ol sońǵy jyldary qurǵaqshylyqqa baılanysty aıtarlyqtaı kishireıip, ishinara sortańǵa aınaldy.

Agenttik málimetinshe, bultty sebý jumystary aldaǵy kúnderi Ázerbaıjan Respýblıkasymen shektesetin Ázerbaıjannyń Batys jáne Shyǵys provıntsııalarynda jalǵasady. 

Iran meteorologııalyq uıymynyń habarlaýynsha, bıyl elde ádettegiden 89% az jaýyn-shashyn bolǵan. Bulttardy sebý ádisi Birikken Arab Ámirlikterin qosa alǵanda birneshe onjyldyq boıy sý tapshylyǵymen kúresý úshin belsendi qoldanylyp keledi.

Buǵan deıin Tegeranda sý tapshylyǵy kúrt artyp, bılik turǵyndardy kóshirý yqtımaldyǵyna amalsyz kónip, evakýatsııaǵa qamdanyp jatqanyn jazǵan bolatynbyz. 

Shilde aıynda Iran prezıdenti Tegerandaǵy sý máselesi kúrdeli ekenin málimdedi.