Iran beıbit maqsattaǵy atom energııasyn paıdalaný quqyǵyna tolyq ıe – Mahmud Ahmadınejad
p; Qarashanyń 10-y. QazAqparat - Iran beıbit maqsattaǵy atom energııasyn paıdalaný quqyǵyna tolyq ıe. Anadoly agenttiginiń habarlaýynsha, bul týraly Iran prezıdenti Mahmud Ahmadınejad Ystambulda ótken Islam konferentsııasy uıymynyń ekonomıkalyq sammıtinen Tegranǵa oralardyń aldynda málim etti.
«Iran ol quqyqqa ıe jáne ıadrolyq baǵdarlama máselesi tehnıkalyq másele bolyp tabylmaıdy. Bizde ýrandy baıytýmen aınalysatyn ǵalymdar bar», - deıdi Ahmadınejad. Iran prezıdenti, Islam Respýblıkasynyń ıadrolyq baǵdarlamasymen baılanysty máselelerdiń «saıası» ekenin jáne ol máseleni álemdi basqarǵysy keletin birqatar elderdiń «arandatyp» otyrǵanyn atap kórsetti. «Olar Irannyń damyǵanyn qalamaıdy, biraq el olarǵa qarsy tura alady jáne báribir jeńimpaz atanady», dep málim etti Iran prezıdenti.
Ahmadınejadtyń aıtýynsha, «jaǵdaıdy retteýdiń durys joly dıalog pen yntymaqtastyq». «Biz olarǵa (basqa elderge) dıalog jolyn tańdaýdy usyndyq. Bizdiń tarapymyzdan otynnyń (baıytylǵan ýrannyń) 20 paıyzyn satý týraly usynys tústi. Biz dıalog pen kelissózdi qalaımyz», dep atap kórsetti Iran Prezıdenti.
