Iran bes elden ótemaqy talap etti
ASTANA. KAZINFORM – Tıisti talaptar BUU Bas hatshysy men Qaýipsizdik Keńesiniń tóraǵasyna joldanǵan hattarda bar, dep habarlaıdy Kazinform tilshisi.
Irannyń BUU janyndaǵy turaqty ókili Ámir Saıd Iravanıdiń aıtýynsha, arab elderi Halyqaralyq quqyq normalaryn buzdy jáne Iranǵa zańsyz áreketter saldarynan keltirilgen shyǵyndy óteýge mindetti.
- Agressor Iran Islam Respýblıkasyna qarsy agressııa aktilerin jasaý úshin Bahreın Koroldigi, Saýd Arabııasy Koroldigi, Qatar memleketi, Birikken Arab Ámirlikteri jáne Iordanııa Hashımıt Koroldiginiń aýmaqtaryn paıdalandy. Iran Islam Respýblıkasy Qaýipsizdik Keńesine agressordyń bul elderdiń aýmaqtaryn paıdalanǵanyn ǵana emes, sonymen qatar keı jaǵdaılarda olardyń Irannyń azamattyq ınfraqurylymyna qarsy zańsyz shabýyldarǵa qatysy bar ekenine dálelderdi usyndy, - dep habarlady Tasnim News hattar mazmunyn.
Atalǵan elderdiń Tegeranǵa qarsy «Izraıl men AQSh-tyń soǵystaǵy seriktesteri retinde áreket etý» arqyly Iran Islam Respýblıkasy aldyndaǵy halyqaralyq mindettemelerin buzǵany jáne sondyqtan halyqaralyq jaýapkershilikti moınyna alatyny jáne Iranǵa zańsyz áreketteri saldarynan keltirilgen materıaldyq jáne moraldyq zalaldy qosa alǵanda, keltirilgen shyǵyndy tolyq óteýi tıis ekeni atap ótilgen.
Osyǵan deıin AQSh Iran porttaryna teńiz blokadasyn engizgenin habarlaǵan bolatynbyz.
Al Sı Tszınpın Taıaý Shyǵysta beıbitshilikti saqtaýdyń tórt tarmaǵyn usyndy.