Iran ballıstıkalyq zymyran ushyrdy
ASTANA. QazAqparat - Iran eki ballıstıkalyq zymyrandy, sonyń ishinde radıýsy alysqa ketetin ballıstıkalyq zymyrandy ushyrdy, dep habarlady RBK.
Associated Press aqparatyna qaraǵanda, bular «jańa urpaq zymyrandary» retinde sıpattalǵan, alaıda bul jańa jasalymdar ma, álde qolda bar modelderdiń jetildirilgen túri me, ol jaǵy naqtylanbaǵan.
Irannyń resmı IRNA jańalyqtar agenttigi zymyrandardy synaý radardan kórinbeıtindigin habarlady. Ushyrylǵan ekinshi zymyran «Bına» dep atalady, onyń lazerlik baǵyttaý júıesi bar. Bul zymyran jerden de, áýe kemesinen de ushyryla alatyny habarlanǵan.
Iran 1992 jyldan beri áskerı derbestik saıasatyn júrgizýde. Keıde el áskerı jetistikter týraly habarlap jatady, biraq ta olardyń kópshiligin tekserý múmkin emes.
Islam respýblıkasynda qazirde «jer-jer» klasyndaǵy zymyrandar bar, onyń áreket etý radıýsy 2 myń shaqyrymǵa, Izraılge jáne óńirdegi amerıkandyq áskerı bazalarǵa jete alady.
