Iran Bahreındegi AQSh áskerı bazasyna shabýyl jasalǵanyn málimdedi
ASTANA. KAZINFORM — Iran Islam revolıýtsııasy saqshylar korpýsy (KSIR) Bahreındegi áskerı baza aýmaǵynda ornalasqan amerıkalyq radıolokatsııalyq stantsııaǵa alty dronmen shabýyl jasalǵanyn málimdedi. Bul týraly Kazinform agenttigi TASS-qa silteme jasap habarlady.
Basylymnyń málimetinshe, Ormýz buǵazynyń ońtústiginde eki tanker teńiz mınalaryna soǵylyp, jarylǵannan keıin órtengen.
— AQSh armııasynyń ashyq agressııasyna berilgen sheshýshi ári joıqyn jaýaptyń ekinshi kezeńinde Korpýstyń Áýe-ǵarysh kúshteriniń alty drony Bahreındegi Er-Rıffa tikushaq bazasynda ornalasqan amerıkalyq áýe qorǵanysy júıesiniń radıolokatsııalyq stantsııasyna shabýyl jasady, — delingen KSIR málimdemesinde.
Buǵan deıin Ormýz buǵazynda munaı tankeri teńiz mınasyna soǵylyp, órtengeni habarlanǵan bolatyn.