Iran aınalasyndaǵy shıelenis: soǵys týraly ázirge ne belgili
ASTANA. KAZINFORM - Iran, Izraıl jáne AQSh arasyndaǵy qaqtyǵys ózara shabýyldarmen, qatal saıası rıtorıkamen jáne aımaqtyq shıelenistiń odan ári ýshyǵý qaýpimen birge órbip tur. Sársenbidegi jaǵdaı boıynsha eki tarap áskerı operatsııalardyń joǵary qarqyndylyǵyn saqtap otyr, al dıplomatııalyq sıgnaldar shıelenistiń tómendeý belgileriniń joqtyǵyn kórsetedi, dep habarlaıdy Kazinform agenttiginiń Iordanııadaǵy menshikti tilshisi.
Iran aýmaǵyna Izraıldiń aýqymdy shabýyly
Izraıl qorǵanys kúshteri Irannyń áskerı ınfraqurylymyna qarsy aýqymdy áýe naýqanynyń jalǵasqany týraly habarlady. Áskerıler málimetinshe, sársenbi kúni keshke Izraıl áýe kúshteri Isfahan men Shırazdaǵy nysandarǵa birqatar shabýyl jasady.
Izraıl qorǵanys kúshteriniń ókili, brıgada generaly Effı Defrın 20-dan astam nysanǵa, sonyń ishinde Gadr ballıstıkalyq zymyran qoımalaryna, krýızdik jáne ballıstıkalyq zymyran qoımalaryna jáne áýe qorǵanys júıesiniń elementterine soqqy berilgenin málimdedi.
- Biz shabýyldarda ondaǵan ballıstıkalyq jáne krýızdik zymyran joıyldy dep esepteımiz, - dedi ol.
Izraıl áskerı kúshteri sonymen qatar Tegeran ústinde áýe shaıqasy bolǵanyn habarlady. Izraıl qorǵanys kúshteriniń málimetinshe, Izraıl áýe kúshteriniń F-35 joıǵysh ushaǵy Iran áýe kúshteriniń ıAk-130 ushaǵyn atyp túsirgen.
🛩️IRANIAN JET SHOT DOWN: An IAF F-35I “Adir” fighter jet shot down an Iranian Air Force YAK-130 fighter jet.
— Israel Defense Forces (@IDF) March 4, 2026
This is the first shootdown in history of a manned fighter aircraft by an F-35 “Adir” fighter jet.
Eger rastalsa, bul F-35 joıǵysh ushaǵynyń shaıqasta basqarylatyn ushaqty joıǵan alǵashqy jaǵdaıy bolmaq. Iran bul aqparatqa áli resmı túrde túsinik bergen joq.
Sonymen qatar Izraıl armııasy Tegerandaǵy Iran basshylyǵynyń ınfraqurylymyna qarsy jańa «keń kólemdi soqqylar tolqynynyń» bastalǵanyn habarlady.
Hear from @centcom's Adm. Brad Cooper, as he shares an update on the role of U.S. airpower in Operation Epic Fury.
— U.S. Air Force (@usairforce) March 4, 2026
Visit https://t.co/sVo33pmwK6 for the complete update. https://t.co/3ITDSKtPDm pic.twitter.com/EfbSVn630W
Aıta keteıik, Túrkııa qorǵanys mınıstrligi Irannan baǵyttalǵan zymyrannyń joıylǵanyn habarlady.
Operation Epic Fury involves the largest regional concentration of American military firepower in a generation. pic.twitter.com/YB8HRsBS3n
— U.S. Central Command (@CENTCOM) March 2, 2026
