Iran áıelderine Eýro-2012 matchtaryn erlermen birge kórýge tyıym salyndy
ASTANA. 11 maýsym. QazAqparat - Iran Úkimeti áıelderge barlarda, dámhanalar men meıramhanalarda Eýro-2012 chempıonatynyń matchtaryn erlermen birge kórýge veto qoıdy.
Bıliktiń pikirinshe, bul is-sharalar áıelderdiń moraldyq kelbetine nuqsan keltirýi múmkin.
«Erler men áıelderdiń fýtboldy birge kórýi qısynsyz jaǵdaı. Erler matchtardy kórý barysynda ýaıymdaıdy, ózderin dóreki ustaıdy jáne turpaıy qaljyńdarǵa oryn beredi», - dep jazady sheteldik BAQ-tar Iran polıtsııasy bastyǵynyń orynbasary Bahman Kargardyń sózderin keltire otyryp.
«Áıelder mundaı kompanııada fýtboldy kórmeýi tıis. Áıelder mundaı sheshim úshin polıtsııaǵa alǵys aıtýlary tıis dep oılaımyn», - dedi Kargar.
