Iran áıelderdiń fýtbol kórýine ruqsat etpek
MAHABAD. IRNA-QazAqparat – Iran prezıdentiniń parlament máseleleri jónindegi orynbasary Hoseın Áliı Ámirı úkimet ıran áıelderiniń fýtbol stadıondaryna barýyna ruqsat etilýine jaǵdaı jasap jatqanyn málimdedi, dep habarlaıdy «QazAqparat» HAA IRNA agenttigine silteme jasap.
Ámirıdiń aıtýynsha, áıelder stadıonǵa barýy úshin áıelderge ǵana arnalǵan oryndyqtar, kirip-shyǵatyn qaqpalar, júretin joldar, áleýmettik qyzmetter sekildi tıisti ınfraqurylym qalyptastyrylady. Jastar jáne sport mınıstriniń buıryǵymen bul rettegi jumystar eldegi negizgi stadıondarda júrgizilýde.
«Áıelderdiń stadıonǵa barý quqyǵyn taptaýǵa bolmaıdy. Bul búkil álemde fýtboldaǵy belgili quqyqtardyń biri. Bizdińshe, qoǵamnyń teń jartysyn quraıtyn áıelderdi bul quqyqtan maqurym etý durys emes», - dedi ol.
Josparǵa oraı, 10 qazan kúni ırandyq áıelder Azadı stadıonyna baryp, Iran quramasynyń Kambodjamen oıynyn tamashalaı alady.
Aıta keteıik, ırandyq áıelder byltyr da Iran-Bolıvııa matchyna barǵan. Sol oıynda ırandyqtar 2:1 esebinde jeńiske jetken edi.
